Monday, February 04, 2019

Hum Ne Sanam Ko Khat Likha

(මා දන්නේ ඔහු බොහෝ කඩවසම් බව පමණකි
එහෙත් ඔහුට යවන ලිපියට ලිපිනයක් අවශ්‍ය නොවෙද)

මම පෙම්වතාට ලිපියක් ලිවීමි
ආදර පෙම්වතා, හදවතේ වීදිය, විශ්වාසයේ නගරය

මගේ ලිපිය කොහි යාවිද, මොනවා වේවිද
වැරදි පුද්ගලයෙකුගේ අතට ගියහොත් මොන කරදරයක් වේවිද
අනේ දෙවියනි එහෙම නම් වෙන්න එපා

මේ නිකම් ගසක කොලයක් නොවෙයි
නිකම්ම කඩදාසි කැබැල්ලක්ද නොවෙයි
මේ හදවතේ බලාපොරොත්තුවයි
මේ මගේ ප‍්‍රාණයයි
මොන තරම් හදගැස්මකින්ද මේ ලිපිය පෙට්ටියට දැමූයේ
මගදි නැතිවෙන්න නම් එපා

වසර ගණනක් බලා සිටියෙමි
මා ලිවූ ලිපිය නැවත මටම දෙමින්
ලියුම්බෙදන්නා මට මෙසේ පැවසීය
මේ නමින් කිසිවෙක් නැත
මේ නමින් වීදියක් නැත
මේ නමින් නගරයක්ද නැත
මෙහි නොව ලොව කොතැනකවත්



No comments:

Post a Comment