Aaj Bichde Hain

අද අපි වෙන්වෙමු
ඊයෙ හිතේ තිබුණු බයවත් අද නැත
ජීවිතය සිතන තරම් සරළද නැත

පෑරුණු හද ලොවට නොපෙනෙයි
නමුත් එය සිසිල් වන විට
වේදනාව පිටතට පැමිණෙයි
ලොවට සතුටින් සිටින බව පෙන්වනවිට
මුහුණ ඇතුලතින් මලානිකවී යයි

මොනවා කියන්නදැයි සිහියට නොඒ
එහෙත් විඳදරාගැනීමනම් ආශ්චර්යයකි
කවරෙක් වේදනාවට විසඳුමක් සොයත්ද
ලෝකයම කරන්නේ ප්‍රශ්ණ ඇසීම පමණකි

හෙට එළිවන විට මොනවා කරන්නදැයි නොතේරේ
ගෙවී ගිය පෙර දවස යලිත් නොපැමිණෙයි
කාලය නම් කපා දැමූ අතුවල
කවදාවත් ඵල හටගන්නේ නැත

රළු පොළව, හදවත්, මිනිසුන්
දැක්මද මහත් පීඩාවකි
කඳුළු පිස දැම්මත් කඳුළු ඇතිකල සළකුණු
වියැලී යන්නට බොහෝ කල්යයි