Chum Chum Karta Hai- Agabai Arrechchya !

මා දුටු ඉතාම ශෘංගාරාත්මක ගීතයකි මෙය. සැබවින්ම මෙය මරාඨී සිනමාවේ ගීතයක් වුවද ගීතයට බහුළ වශයෙන්ම යොදාගෙන ඇත්තේ හින්දි වදන්ය. වරක් දෙවරක් අසන විට ඇබ්බැහි වන මට්ටමේ ගීතයකි. අමු අමුවේ ශෘංගාරය භාවිතා කළ ගීතයකි.

මත් වූ මාගේ සියොළඟ සලිත වෙයි
සියල්ලෝම මා සමග එක්වන්නට ප‍්‍රිය කරයි
මධු පැනින් පිරී ඇත මාගේ මේ සරාගී දෙතොල්
මත් වන්නට ප‍්‍රිය අය ඒ රස බලාවී
මාගේ දෑස මත්ව ඇති බව පැවසෙයි
ඉන් ඔබේ රාත‍්‍රිය සැහැල්ලූ කරගන්න
මගේ සිරුර දුබලව ගියේය
එහෙත් එහි මිහිරි වේදනාවක්ද හටගෙන ඇත

මම ගිනිදල්ලද වෙමි අකුණු සැරද වෙමි
ගින්දර සමග සෙල්ලම් නොකරන්න
මගේ සාහසික මායම් වලින් ඔබ බොහෝ පීඩාවට පත්වනු ඇත
රාත‍්‍රියට මාගේ නහරක් නහරක් පාසා ඇත්තේ මත් බවය
එසේම සිරුර පුරා මහත් කලබලකාරී බවෙක්ද ඇත
අහෝ ඉදින් පැමිණ මා රැගෙන යත්ද
තුරුළට ගෙන හදෙහි ගින්න නිවා දමන්න

සියුමැලි සිරුරක් ඇති මා මුවැත්තියකි
විගසින් තුරුල්ලට එමි
මධුපැන් පිරි බඳුන් මා ළඟය සියල්ල මා ළඟය
මගේ සුසුමට දැන් ඔබේ හදෙහි කැකෑරෙන කුණාටුව එකතු කරන්න
එන්න ඉදින් මා උමතු බවට පත් කරන්න

Sanwariya Dekh Zara

නගරයේ ජාතිවාදී අරගලයකදී මියගිය ඨුම්රි ගායිකාවකගේ ජීවිත කතාව විවරණයට ලක්කෙරෙන මෙම සිනමාපටයට මුල්ව ඇත්තේ සත්‍ය සිදුවීමකි. මැද මාවතේ සහ සම්භාව්‍ය සිනමා අධ්‍යක්ෂකවරයෙක් වන ශ්‍යාම් බෙන්ගෝල් විසින් අධ්‍යක්ෂණය කරන ලද සුන්දර සිනමාපටයකි. 

වසර 1996-1997 දී තිරගතවුණු මෙවැනි සිනමාපට ලංකාවේ රසිකයන්ට දකින්නට ලැබෙන්නේ නැත. එයට හේතුව ලංකාවේ රසිකත්වය වාණිජ සිනමාවේ සුප‍්‍රකට තරු හා බැඳී තිබීම විය හැකිය. මාධ්‍යද මේ සම්බන්ධයෙන් මීට වඩා සැලකිලිමත් විය යුතුය. මෙවැනි සිනමා පටයකින් අපට අන් සැම රසයක්ම විඳිය හැකි සේම අතිශය සාර්ථක සංගීත රචනාද රස විඳිය හැකි වන්නේය. 

මෙම සිනමාපටයේ සියළුම ගීත මා අතිශය ඇලූම් කරන බැවින් මින් ගීතයක් පරිවර්ථනය කිරීමට සිතුවෙමි.
ඨුම්රි යනු සරළ ශාස්ත‍්‍රීය ගායන ශෛලියකි. රාගයක පිරිසිඳු බව නොරකින්නාවූද ඉතාම විචිත‍්‍ර අලංකාර සහිතවූද මෙම ගායන ශෛලියේ පදාර්ථයටද වැදගත් ස්ථානයක් හිමිව ඇත. සාමාන්‍යයෙන් ඛමාජ්, පීලූ වැනි තෝරාගත් රාග කිහිපයක් වැඩි වශයෙන් භාවිතා වන්නාවූද මාත‍්‍රා 3,4 ට යන දීප් චන්දි වැනි තාල බොහෝ විට ඇසුරු කරන්නාවූද බොහෝ විට විරහව, ශෘංගාරය සමගින් බැඳී ඇති මෙම ගායනා නර්ථනය සමගින් ඉදිරිපත් කිරීම අතීතයේ පාරම්පරිකවත් වර්ථමානයේ විෂයයක් හැටියටත් වර්ධනය වෙමින් පවත්වාගෙන යයි.



පෙම්වත මදෙස මඳකට බලන්න
හදවත් සොරාණෙනි, මෙලෙසින් මගේ බැල්ම සොරකම් නොකරන්න


මම කූඩුවක සිරකළ ගීගයන කිරිල්ලියක් වෙමි
නුඹ නම් නිදහසේ වනයේ සරණ මොණරෙකි
පෙම්වත මදෙස මඳකට බලන්න


නුඹ කවර රැහැණකින් මා ඇද බැඳ තිබේද
එය කිසි දිනෙක කැඞී නොයයි
පෙම්වත මදෙස මඳකට බලන්න


සිනමාපටය- සර්දාරි බෙගම්
ගායනය- ශෝභා ජෝශි
සංගීතය- වන්රාජ් භාතිය
පදරචනය- ජාවෙඞ් අඛ්තර්

Bosnom Behar Probeharao

එඩින් ඩර්විෂැලිඩොවික් නමින් සැබෑ දිවියේ හැඳින්වුවද සංගීත වේදිකාවේ ඩිනෝ මර්ලින් නමින් පෙනී සිටී බොස්නියානු ගායකයාග් අපූරු ගීතයකි මෙය. හේ ගායනයට පමණක් නොව පද රචනයටත් සංගීත රචනයටත් එකසේ හැකියාවන් පෙන්වා ඇත.බොස්නියා හර්සගොවිනාවේද යුගොස්ලොවියාවේද මැසිඩෝනියාවේද අන් රටවලද ඔහුගේ ගීත ජනප‍්‍රිය විය. ඔහු ගැයූ බොස්නොම් බෙහාර් ප්‍රොබෙහරා ඕ ගීතයේ පරිවර්තනයයි මේ.


සකිය මගේ බඳුනට මධුපැන් වක්කරන්න
මගේ මත්වූ දෑස ඇය දෙස නොබලාවි තවදුරටත්
අද රැයේ අප දෙදෙනාගේ හදවත් වෙන් වේවි
අදින් පසු වෙන කොතැනකට හෝ තනිව යාවි


මල් ගොමුව පිබිදුනේ බොස්නියාවේදියි
ජීවිතය මා අසරණ කරන ලදි
සැම තැනම සැම මල් ගොමුවක්ම ඇගේ සුවඳම විහිදුවාවි
මම ඒ සුවඳ ආඝ‍්‍රාණය කරමි


විටෙක ආධිපත්‍යය විටෙක අවනතබව
විටෙක සතුට විටෙක දුක
එහෙත් නොමැකෙන ආදරය
මේ උමතු හදවත නොදනියි
කෙසේ බොරු කරන්නද
කෙසේ සඟවා ගන්නද


සකිය මගේ බඳුනට මධුපැන් වක්කරන්න
මගේ මත්වූ දෙතොල සත්‍යයම පවසයි
මගේ දෙවියන්ටත් පැරණි ආදරයටත් පමණක් නොව ශුද්ධයැයි පවසන සියල්ලට වංචා කෙරුවෙමි
අන් දෙයක් නිසා නොව ඇය නිසා

Jab kisi se koyi gila rakhna

කිසිවෙකුට චෝදනා කරන්නට වුවමනා නම්
ඔබ ඉදිරියෙහි ඊට පෙර කැඩපතක් තබාගන්න

පහන් එළියෙන් වසන තැන එළිය කරනු රිසි නම්
පහනටද දැල්වෙන්නට වාතය වුවමනා බව දැනගන්න

නිවහන කැමති ලෙසකින් ඉදි කරගන්න
නමුදු හඬන්නට තැනක් සඳහාද එහි ඉඩක් තබන්න

දෙවොල් ඉදිවන්නේ දෙවියන් යදින්නටය
නිවසේද දෙවියන්ට කොතැන හෝ ඉඩක් තබන්න

මුණගැසෙන්නට වුවමනාවක් තිබේ නම් ඉදින්
ඒ වෙනුවෙන් ධෛර්යද ඇතිකරගන්න

ගායනය- ජග්ජීත් සිංග්

Mathurechya Bajari

මුදවාපු කිරි, එළකිරි, වෙඬරු පුරවාලූ කළ
මා කෙසේ විකුණන්නට පොළට ගෙනියන්නද?
මම බියට පත්ව සිටිමි
කෙසේ රහසින් පොළට මේවා රැගෙන යන්නද?

වස්දඬු වයන ක‍්‍රිෂ්ණා යමුනා නදී ඉවුරේ හිඳී
ඔහු මගේ කළ බිඳ දමයි
කෙසේ රහසින් පොළට මේවා රැගෙන යන්නද?

අසන්න ක‍්‍රිෂ්ණා
මගේ හිස් කළය(ඉරණම) බිඳ නොදමන්න අද
නගරයම මට සිනහා වෙයි
ඉන් මා අවනම්බු විඳිමි
මගේ ආත්ම ගෞරවය ගැන අදවත් සිතන්න
මගේ ඉරණම හිස් කළයකි
මම ඔබට පරදිමි

යන මග අවුරා ඔහු සිනහසෙයි
ඔහුගේ වස්දඬු රාවයට මම වසඟ වී සිටිමි
ඔහු ගැන සිතමින් මම මුසපත් වෙමි
ක‍්‍රිෂ්ණ අද දින මා නටවන්න
ආදරයට වෙන්වූ සුන්දරත්වයක් ඇත

Hamein Koi Gham Nahin Tha

කිසිදු දුකක් නැති විය මහට
මේ දුක්බර පේ‍්‍රමය ඇතිවන්නට පෙර
කිසිදු සතුරෙකු නොවීය මහට
නුඹ හා මිතුදමක් ඇතිකරගන්නට පෙර

මෙය මාගේ නරක ඉරණමය
නුඹේ වරදක් කොහිද
නුඹේ වේදනාවෙන් මා මිය ගොස් තිබුණි
මේ දිවිය ලබන්නටත් පෙර

මගේ ආදරය දැවෙමින් තිබෙයි
සඳවත අද දින සැඟව යනු මැන
මටද ආදරය ලැබුණි දිනෙක
නුඹේ සඳ කිරණ ගලායන්නට පෙර

කිසි දිනෙක මා සිනා නොවී සිටින්නට ඉඩ තිබුණි
ලද එකම සතුටට පසු ලද දහසක් දුක්
මින් පෙර ලැබුණා නම්

මේ අපූරු පරීක්ෂණයෙකි මා මුහුණ දුන්
නුඹව අමතක කළයුතු
මෙලෙසින් කෙදින මින් පෙර හමුවුණිද
නොගැලපෙන දෙදෙනෙකු ලෙසින්

පද රචනය- :ෆාඉයස් හෂ්මි
ගායනය- මෙහෙඳි හසන්

It's midnight, please let me go home!

මසිත බොහෝ තදින් ඇද බැඳගත් ලාවනී ගීතයකි මේ. එය නැවත නැවත අසන්නට මා පෙළඹුණේ ඇයිදැයි වටහාගත නොහැකිය. එක් අතෙකින් මහාරාෂ්ට‍්‍ර ලාවනී ගීතවල ඇති ආකර්ශණීය බවට මෙම ගීතයෙන් අමතර ශෘංගාරාත්මක වටිනාකමක් එක්කොට තිබීමදැයි මම නොදනිමි. ඔබටත් රස විඳීම පිණීස මෙසේ ඉදිරිපත් කරමි. පාරම්පරික ලාවනී ගුණාංග රැකගත් අගනා ගීතයකි.

යොවුන් බවින් පිරි රාත‍්‍රියයි
මහද වේගයෙන් ගැහෙයි
මා උමතුව ගොසිනි
මට මාවම විශ්වාස කළ නොහැකි තත්ත්වයට පත්ව ඇත
මට මාවම පාලනය කරගත නොහැකිව ඇත
මම ඔබ සමග පැමිණීමෙන්ම ඔබව සතුටු කළෙමි
මා ආදරයේ වර්ණවත්බවෙහි ගිලී ගොසිනි
අත හරින්න
මේ එයට සුදුසු වේලාවක් නොවෙයි
පෙම්වත පස්සෙ වෙලාවක අපි ඒ වෙනුවෙන් මුණ ගැසෙමු

මට දැන් ගෙදර යන්න දෙන්න
(මැදියම් රැයද ඉක්ම ඇත)
මට දැන් ගෙදර යන්න දෙන්න
(මැදියම් රැයද ඉක්ම ඇත)
මට දැන් ගෙදර යන්න දෙන්න
(මැදියම් රැයද ඉක්ම ඇත)
මට දැන් ගෙදර යන්න දෙන්න
(මැදියම් රැයද ඉක්ම ඇත)
(ඇයි ඔබ මෙලෙසින් හැසිරෙන්නෙ?
ඇයි ඔබ ඇය පසුපස යන්නේ?
ඇයව බාසාරයේදී මුණ ගැසෙන්න
දැන් රාත‍්‍රී අවසන් බසයත් නික්ම ගොසිනි)
මට දැන් ගෙදර යන්න දෙන්න
(මැදියම් රැයද ඉක්ම ඇත)
මට දැන් ගෙදර යන්න දෙන්න
(මැදියම් රැයද ඉක්ම ඇත)
මගේ මුහුණ කැඩපතකි
ඉන් පෙනෙන්නේ යොවුන්බවෙහි මහඟු දායාදයයි
මහද උමතුවෙන් සලිත පරෙවි දෙනක මෙන් හැසිරෙයි
මේ තරු පිරි මැදියම් රැයෙහි අඳුරු අහස මා බියට පත් කරයි
ඇයි ඔබ ඔතරම් හදිසි
මුළු ගමම බලා හිඳී

කරල් පැසී ඇත
නෙලාගන්න කාලයයි
බොහෝ පක්ෂීහු ඒ වෙනුවෙන් එහෙ මෙහෙ සරති
කිසිවෙකු සැඟව බලා සිටී
කිසිවෙකු උරුහන් බායි
තවත් කිසිවෙකු ඇසින් ඉඟි දෙයි
මා මොනවා කරන්නද
කවදා වනතුරු ප‍්‍රතික්ෂේප කරන්නද?
මට මා පාලනය කරගත නොහැක

මට දැන් ගෙදර යන්න දෙන්න
(මැදියම් රැයද ඉක්ම ඇත)
මට දැන් ගෙදර යන්න දෙන්න
(මැදියම් රැයද ඉක්ම ඇත)
(ඇයි ඔබ මෙලෙසින් හැසිරෙන්නෙ?
ඇයි ඔබ ඇය පසුපස යන්නේ?
ඇයව බාසාරයේදී මුණ ගැසෙන්න
දැන් රාත‍්‍රී අවසන් බසයත් නික්ම ගොසිනි)

ගායනය- භේලා ශේංඩ
සංගීතය- අජය අතුල්
පදරචනය- ගුරු ඨාකූර්
සිනමාපටය- නටරංග්

චේත පුනවෙචි රාත ආජ ආලීයා බාරාත
ථඞ් ථඞ් කාල ජාත මාඣයා මායේනා
කධී කවා කුට කස ඣිව් ඣාල ථේඞ් පීස
ත්යාචා නාහී භරවස තෝල රාහීනා

රාඛිලී කී මර්ජී තුම්ච්යා ජෝඞීන මී ආලෙ
ඵීර තීච්යා යා රංගී රායා චිම්බ්  ඕලී මී ඣාලේ
රායා සේඩා ආතා තරී කාල යේල්නාහී බරී
පුන්හා භේටූ කෙංව්හාතරී සාජණා

මලා ජාඌද්යානා ඝරී
ආතා වාජලේ කී බාරා
මලා ජාඌද්යානා ඝරී
ආතා වාජලේ කී බාරා
මලා ජාඌද්යානා ඝරී
ආතා වාජලේ කී බාරා
මලා ජාඌද්යානා ඝරී
ආතා වාජලේ කී බාරා

හේ කශාපායී ඡුල්තා මාග මාග ඵීර්තා
අස් කාය කර්තා දාජී හීලා භේටා කි යේත්යා බාජාරී
හේ සහාචී භී ගාඞී ගේලී නවාචී භී ගේලී
ආතා බාරාචී ගාඞී නිඝාලී

මලා ජාඌද්යානා ඝරී
ආතා වාජලේ කී බාරා
මලා ජාඌද්යානා ඝරී
ආතා වාජලේ කී බාරා

ඒන්යාවානී රූප මාඣ උභී ජ්වානීච්යා මී උම්බයාර්ත
නාද්වල ඛුල්පිස කබුතරහී මාඣයා උරාත
භවතාලී භය ඝාලී රාත මෝකාට හී චාන්දන්යාචී
උගා ඝායී කශාපායී හායෙ නජර් උභයා ගාවාචී
නාරී ග රාණී ග හායේ නජර් උභ්යා ගාවාචී
හේ ශේත ආල රාඛ්නීලා රාඛූ චාරා ගෝලා
ශීල ඝාලී කෘඨුන්කෝණී කරූන තිර්පා ඩෝලා
ආතා කස කිතී ඣාකූ සාංගා කුට්වර රාඛූ
රායා භාන මාඣ මලා රාහීනා

මලා ජාඌද්යානා
ආතා වාජලේ කී බාරා
මලා ජාඌද්යානා
ආතා වාජලේ කී බාරා

Turkey folksong on worldwar I

පළමු ලෝක යුද්ධයෙන් පසු තුර්කියේ බිහිවූ ජනගීයක් වූ මෙය ලියැවී ඇත්තේ තුර්කි බසිනි. එහෙත් එය රසවිඳීමට තරම් අගනා ගීතයක් වන බැවින් අපට උචිත වශයෙන් පරිවර්තනය කොට දක්වමි. මෙහි දර්ජනෙල්ලා යනු පළමු ලෝක යුදයේ බිහිසුණු සටන් පැවති පෙදෙසකි. ගීතයෙන් කියැවෙන්නේ සටනට යන තරුණ සෙබලෙකු ගැනය.

මෙම ගීතයේ අවසන් කොටසෙහි මව්වරුන්, පියවරුන්ද ලිපි එවීම අතැර දමා ඇත යන්නෙන් ව්‍යංගාර්ථයෙන් කියනුයේ සැබවින්ම ලිවූ ලිපි යුද පෙරමුණට නොඑනා බව විය යුතුය.

Mora sajan sautan ghar jaye

ඉතාම සුන්දර ඨුම්රි ගායනයක් වූ මෙම ගීතය අයත් වූයේ 1972 තිරගතවූ පාකීසා චිත‍්‍රපටයටය. ගායනා කරන ලද්දේ දකුණු ඉන්දියාවේ සිට උතුරු ඉන්දියාව තෙක් තම සුමිහිරි හඬින් සරළ ශාස්ත‍්‍රීය සංගීත රසිකයන් පිනවූ වාණි ජෙයරාම්ය. කෙටි ගායනයක් වූ මෙය අසා රස විඳින්න. ඉතාම මිහිරි සංගීත ශෛලියකි.

මෙය නෞෂාඞ් සහ ගුලාම් මොහොමඞ් යන සංගීත අධ්‍යක්ධකවරුන් දෙදෙනාම සංගීතය සැපයූ චිත‍්‍රපටයකි.

තවත් අතිවිශේෂත්වයක් වන්නේ එවකට ඨුම්රි සහ සරළ ශාස්ත‍්‍රීය ගායනයේ ඉහළම නමක් දිනා සිටි ශෝභා ගුර්තු, වාණි ජෙයරාම්, පර්වීන් සුල්තානා, රාජ් කුමාරි, නසීම් බනෝ සමගින් ලතා මංගේෂ්කාර්වද ගායනයට යොදා ගැනීමය.

මගේ සැමියා නගරසෝබනියන් වෙත යන බව
මම ලොවට කෙසේ කියම්ද

මා විමසුවහොත් ඔහු සත්‍ය නොපවසයි
දිව්ර දිව්රා පවසන්නේ මුසාවන්මයැ
මම ලොවට කෙසේ කියම්ද

Aahun Aahun

ගීතය- අහූන් අහූන්
ගායනය- නීරජ් ශ‍්‍රීධර්
සංගීතය- ප‍්‍රීතම්
පද රචනය- ඉර්ෂාද් කාමිල්
චිත‍්‍රපටය- ලව් ආජ් කල්
මෙම ගීතය වැඩි වශයෙන් ලියැවී ඇත්තේ පංජාබි බසිනි.


කතා කරන්න, සිනහවන්න මා සමග
මවෙත එන්න, මඳක් ආදරය පෙන්වන්න
මට ඔබේ වන්නට ඉඩ දෙන්න
මා තුළ ඊර්ෂ්‍යාව ඇති නොකරන්න

ආදරය අති දුෂ්කරය,
නමුදු අතිශය මිහිරි රෝගී බවෙකි
you wanna let it going on
ආදරය බොහෝ දිගු ගමනකි
අනවසරයෙන් පවා යා හැකි ගමනකි
but get you ride it on yeah come on
හදවත හදවතක් පතයි
ආදරයෙහි දැවටෙයි දැවටෙයි
එහි ජීවත්වීමෙන්ම දෙවියන් පවා දැකිය හැකිය
දෑස් එකිනෙක ගැටුණි අපොයි මිය ගියෙමි
මේ එකම පැරණි ආදර කතාවය එහෙත් කාලය වෙනස්ය
අහූන් අහූන් අහූන් අහූන්

ආදරය හදවත්හි තරඟයයි
ඒ තරඟය පැරණිය එහෙත් නැවුම්ය
you never see it going old
දෙවියන් පවා ආදරයට අනුමැතිය දී ඇත
එය හදවත්හි ව්‍යාපාරයයි
before you know it your heart is sold

දෑස් සටන් කිරීම ඇරඹෙනු ඇත එය කෙමෙන් වැඩිවනු ඇත
දෑසෙහි සටන් අතර හදවත සොරකම් කෙරෙනු ඇත
දෑස් එකිනෙක ගැටුණි අපොයි මිය ගියෙමි
මේ එකම පැරණි ආදර කතාවය එහෙත් කාලය වෙනස්ය
අහූන් අහූන් අහූන් අහූන්

මතකය අමතක කරන්නට වුවමනා නැත
මගේ සුසුමෙහි පවා ඔබ ගැන මතකයන් රඳවා ගනිමි
ඔබ සමග ගතකල නිමේශයන්, සුන්දර රාත‍්‍රී, ඔබ මුණගැහුණු අවස්ථා
කතාකරමින් සිටියහොත් රැයද නොදැනී ගෙවී යයි
ආදරයෙන් දැවී ගොස් නැවතත් ඇරඹුමකි
දෑස් එකිනෙක ගැටුණි අපොයි මිය ගියෙමි
මේ එකම පැරණි ආදර කතාවය එහෙත් කාලය වෙනස්ය
අහූන් අහූන් අහූන් අහූන්